B. é teu?

S'na mundo tem mornas e mornas dedicód
Tónt morna bô te mereçê
S'beleza ta trazê inspiração
Esse bô Beleza, ê más cum belo horizonte
Infeitód cum bom pôr-do-Sol
Ô um Arco-íris mut bem d'stacód.

Amim djam cria ser Poeta
Pám fazê um Mar di Poesia
Pám cumpará
Que'ss bô Beleza d'natureza

Parsem nem Mar, nem Lua cheia
Nem Sol brilhante, nem Noite serena
Ta cumpará q'bô formosura e bô corpo.

Pombinha mansa
Di odjos meigos sem maldade
Bô corpo formoso mas sem vaidade
T'armá quess bô sorriso inocente
Sorriso doce qui ta espertá alguem ambição
Nem q'for d'box tud humilhação
`m crê comquistá bô Coração.